fbpx
Bashke.tv
Aktualitet LAJME

BDI ME PROJEKT: VETING për gjithë funksionarët partiak

Bashkimi Demokratik për Integrim (BDI) tashmë seriozisht po e bisedon projektin e ri i cili do t’i përfshinte funksionarët partiak, por edhe shtetëror, gjegjësisht të gjithë, siç është shprehur deputeti Artan Grubi, pasi sipas tij, duan t’i shërbejnë qytetarëve. Grubi për PlusInfo ka thënë se partia e tyre vetëm se ka filluar me projektin e ri, ndërsa në përgatitje është edhe Ligji për Veting për të gjithë ata që bartin funksione publike.

Vetingun apo kontrollin e anëtarësisë së BDI-së, nga ku do të rekrutohen funksionarët partiak, do ta bëjë nënkryetarët Izet Mexhiti, Teuta Arifi, Nevzat Bejta, Sadulla Duraku dhe sekretari organizativ Artan Grubi. Ideja është që vetingun për të gjithë ata që janë në funksione shtetërore ta realizojë Komisioni shtetëror për kontroll dhe veting. E ngjashme me Komisionin për lustrim, por Komisioni i ri do të duhet që ta hetojë edhe prejardhjen e pasurisë së funksionarëve, mënyrën se si e kanë bërë atë pasuri, a kanë të kaluar kriminale dhe korruptive.

“Në parti ka filluar procesi i ri regjistrimit të tërësishëm të anëtarëve të BDI-së. Presim që deri në fund javës të përfundojë dhe më pas do t’i hyjmë kontrollit. Do të fillojmë nga niveli më i ulët, nga bashkësitë lokale. Do të kontrollohen anëtarët që ndonjë nga ata të mos ndodh të jetë dilerë, kriminel, zhvatës, për arsye se për të tillë nuk vend në BDI. Funksionarët e BDI-së nga ana tjetër do ti nënshtrohen kontrollit apo vetingut të dyfishtë, një nga partia dhe një pas zgjedhjeve, ndërsa nga Komisioni shtetëror kur të jetë nominuar në funksion publik. Kjo uverturë në BDI-në e re për platformë të veprimit për 20 vitet e ardhshme, si postulat ka qeverisjen e mirë, drejtësinë joselektive, zhvillimin ekonomik dhe prosperitetin”, ka deklaruar Grubi.

Vetingu partiak në BDI pritet që të zhvillohet deri në mbajtjen e Kongresit të BDI-së, i cili me gjasë do të ndodh deri në fund të vitit. Se BDI është serioze në qëllimin që të realizojë veting është edhe deklarata e Ali Ahmetit. Ai mbetet në kërkesën për veting të deputetëve dhe funksionarëve, të cilët barti funksione publike. Ahmeti ka kërkuar këshilla për aplikimin e sistemit për kontroll dhe veting edhe nga Instituti ndërkombëtar Republikan (IRI), ndërsa vlerëson se me këtë do të parandalohen sulmet ndaj funksionarëve dhe përhapja e lajmeve të rreme.

LEXO EDHE:

Bekteshi: Transformimi i sektorit të energjisë do të vazhdojë me një ritëm edhe më të fortë

BASHKE TV

Bekteshi: Do të krijojmë vende të reja pune në mënyrë që të ulim papunësinë me tre përqind në vit

BASHKE TV

Bekteshi: Me pakon e katërt të masave përmes mbështetjes së drejtpërdrejtë financiare do t’i mbështesim qytetarët dhe sektorët më të prekur

BASHKE TV

Bekteshi: Kompania gjermane ‘Franc Kiel’ do të investoj 3,5 milion euro në fabrikën e re për prodhimin e ulëseve të trenave në zonën industriale në Tetovë

BASHKE TV

Ahmeti takoi ambasadorin e Kosovës Gjergj Dedaj

BASHKE TV

Moti sot në vendin tonë

BASHKE TV
BASHKË.TV