fbpx
Bashke.tv
Aktualitet LAJME Sport

Chiesa në Milan, Paqueta në Firence?

Milani është sigurisht skuadra italiane, aktualisht më aktivja në tregun e transferimeve. Pasi zyrtarizoi rinovimin me Zlatan Ibrahimovic dhe të ketë mbyllur dy goditje të rëndësishme, si Sandro Tonali dhe Brahim Diaz, ky klub nuk ka ndërmend të ndalet. Sipas asaj që raportohet nga “Tuttosport”, ekziston edhe një objektiv tjetër i shkëlqyeshëm, që Milani po e ndjek në këto orë, edhe pse për momentin pa një negociata të vërtetë zyrtare.

Po flasim për Federico Chiesa. Sulmuesi i përfaqësueses italiane duket se dëshiron ta përfundojë aventurën e tij te Fiorentina. Presidenti Rocco Commisso, në fund të sezonit i dha “leje” për të sjellë oferta të përshtatshme nga klube të tjera, në mënyrë që t’i vlerësonte ato. Fakti që kanë mbetur edhe dy vite në kontratën e tij, e vendos Fiorentinën akoma në një pozitë mbizotëruese në negociata dhe, çuditërisht, çmimi për Chiesa mbetet 70 milionë euro, pavarësisht krizës së madhe të Covid-19.

Milani nuk do ta arrijë kurrë atë shifër, kështu që mendon të përfshijë homologë në operacion. Për këtë, po kërkon zgjidhje alternative. “Djalli” do të donte të përfshinte Lucas Paqueta, me vlerë 25 milionë euro, i cili u kërkua nga Fiorentina në janar. 45 milionët e mbetur mund të strukturohen siç u bë me Brescia për Tonali: duke i ndarë ato në pjesë të konsiderueshme për huazimin dhe pastaj të drejtën e blerjes përfundimtare. Për momentin, megjithatë, nuk ka asnjë negociatë zyrtare midis Milanit dhe Fiorentinës, jemi vetëm në fazën embrionale të angazhimit të kuqezinjve.

LEXO EDHE:

Pyetje deputetësh/ Mexhiti: Ja 3 pyetjet e mia që ia parashtrova ekzekutivit të BDI-së

BASHKE TV

Bekim Rexhepi: Përfundoi ekspropriimi i pronave në autostradën Shkup-Bllacë

BASHKE TV

ALI AHMETI DHE HYDAJET HYSENI DY SEKRETARËT ORGANIZATIV MË TË MËDHENJ TË LËVIZJES

BASHKE TV

ALI AHMETI DOCTOR HONORIS CAUSA I UNIVERSITETIT TË TETOVËS

BASHKE TV

ALI AHMETI FIGURË UNIKALE E KOMBIT

BASHKE TV

ALI AHMETI DEKOROHET DOCTOR HONORIS CAUSA I UNIVERSITETIT TË TETOVËS

BASHKE TV
BASHKË.TV