fbpx
Bashke.tv
Aktualitet LAJME

Han: Maqedonia e Veriut meriton t’i fillojë negociatat me BE-në

Maqedonia e Veriut dhe Shqipëria meritojnë hapje të negociatave për anëtarësim në BE, thotë në një intervistë për gazetën malazeze “Vijesti” eurokomisari Johanes Han, i cili së shpejti e braktis dikasterin e zgjerimit dhe politikës së fqinjësisë së mirë në KE.

Maqedonia e Veriut, konsideron Han, ka bërë avancim të konsiderueshëm, ndërsa më i rëndësishëm është nënshkrimi i Marrëveshjes së Prespës dhe zgjidhja e kontestit me Greqinë.

“Marrëveshja e Prespës me të cilën iu dha fund kontestit shumë vjeçar për emrin është diçka që duhet të përfshihet në librat e historisë. Kur e mora funksionin, shteti ishte në krizë politike, zgjidhja e të cilës kërkonte vite dhe shumë udhëtime në Shkup. Filluam me deklaratë se nuk do të ketë zgjerim të BE-së, ndërsa tani pesë vite më vonë kemi vendosur rrugë reale dhe të gjallë evropiane për Ballkanin Perëndimor”, thotë eurokomisari Han në intervistë.

BE-ja, shton Han, do të vazhdojë të angazhohet për integrim evropian të rajonin, jo për shkak të njeriut që do ta udhëheq dikasterin për zgjerim , por për shkak të interesit të qartë të Bashkimit Evropian.

Johanes Han do të mbetet eurokomisar edhe në përbërjen e re të KE-së, por do të obligohet për buxhet dhe administratë. Dikasterin zgjerim dhe politikë të fqinjësisë së mirë duhet ta marrë ministri i deritanishëm i Drejtësisë së Hungarisë Laslo Troshani.

LEXO EDHE:

Lëvizja BESA në 2018: Asnjëherë koalicion me LSDM (Video)

BASHKE TV

Ministri Ademi nënshkroi Marrëveshjen për bashkëpunim ndërkombëtar me Organizatën Evropiane për Hulumtime Bërthamore (CERN)

BASHKE TV

BDI – dega Saraj, Blerim Bexheti zgjidhet kryetar shtabi

BASHKE TV

KU JETON ALI AHMETI

BASHKE TV

Tani më dhe Drejtoria për siguri të informatave të klasifikuara frymon shqip

BASHKE TV

BDI nuk do ta lejon Selën dhe Gashin që t’i detyrojnë shqiptarët t’ju dërgojnë byrek maqedonasve

BASHKE TV
BASHKË.TV